Bu tiyrai qotilki, oti hajr tunidur,

Ohim tutunidur dema, dog'im tutunidur.

Jism ichra yuzung hajrida ming dard xadangi,

Go'yo ko'ngul otashkadasining o'tunidur.

So'ngakdin emas rishtai jismimda bo'g'unlar

Ul torda ranjim adadining tugunidur.

Ul sho'x samo' ichra uchurmoqqa ko'nguldin

Hush-u xirad-u sabrni ofat quyunidur.

Uyqu keturur su uni, lek uyquni olg'on

Elning ko'zidin sayli sirishkimnnng unidur.

O'ynay-o'ynay to'ksa ul oy qonim, emas tong

Kim, barcha bular charxi muloib o'yunidur.

Yuz pora boshimni iti rad qildi, Navoiy

Bilmaski, so'ngaklarda borining butunidur.