Kishi ko'rmaydurur iqsh ichra zore men kebi hargiz,

G'ami hijronda besabr-u qarore men kebi hargiz.

Hadangi g'amzavu oshufta zulfungdin yo'q erkandur

Dil afgore, parishon ro'zgore men kebi hargiz.

Desang ushshoqning xoki tani uzra suray markab,

Ko'p istab topmog'ungdur xoksore men kebi hargiz.

Seningdek sust paymon dahr aro hargiz yo'q erkandek,

Vafog'a ham yo'q ermish ustuvore men kebi hargiz.

Jafogarlikda yo'q ermish seningdek, derga yo'q haddim,

Yo'q erkandur jafokashlikda bore men kebi hargiz.

Dedimkim: dahr bog'ida yo'q ermish men kebi bulbul,

Dedikim: bormu ermish gul uzore men kebi hargiz.

Magarkim yor soqiy bo'lsa, daf' o'lg'ayki, yetmaydur

Kishiga vasli jomidin xumore men kebi hargiz.

Firoqi javrida navmid ham yo'q men kebi, garchi

Yo'q erdi vasldin ummidvore men kebi hargiz.

Navoiy, demakim, hijronida sabr ixtiyor etgil,

Bu ishda yo'q emish beixtiyore men kebi hargiz.