"Badoye` ul-vasat" devoni g`azallarida uchraydigan xalq maqollari

Sovug’ ohekim chekarmen, garm o‘lur olmoqqa ashk, Chashmalarda su bo‘lur issig‘, havo bo‘lg‘ach sovuq.        (319-g‘azal, 2-bayt)

“Havo sovusa, suv issiq bo‘lur”.

Tig‘i zaxmin bog‘lasa ahbob, g‘am yo‘q, ey ko‘ngul,                  Bir eshik bog‘lansa ishq ichra, ochilg‘ay yuz eshik.         (326-g‘azal, 4-bayt)

“Bir eshik yopilsa, yuz eshik ochiladi”, “Izlagan imkon topar”

Yor uydin chiqmasa, olam ko‘zumga tiyradur,                 Chun quyosh chiqmas, jahondin murtafi’ bo‘lmas zulam. (397-g‘azal, 2-bayt) 

“Qorong‘ulik ko‘tarilmay quyosh chiqmas”.

Ne yanglig‘ yoshuray hijron g‘aminkim, fosh etar har dam  Og‘izdin shu’laliq ohim, nazardin ashksiz qonim.                        (402-g‘azal, 3-bayt)

“Kasalini yashirsang isitmasi oshkor qilur”.

Ne yanglig‘ ul quyosh ko‘yiga yolg‘uz azm qilg‘aymen,               Ki bo‘lmoq istamon ul yon borurg‘a soya hamrohim?             (403-g‘azal, 2-bayt)

“Nur borki, soya bor”.

Xizrvash xat birla chun husnung samandin surgasen,                     Yuz Sikandarni sug‘a eltib, susiz kelturgasen.                                               (447-g‘azal, 1-bayt)

“Suv bo‘yiga etib, sug‘ormay keltiradi”.