"Badoye` ul-vasat" devoni g`azallarida uchraydigan xalq maqollari

Orzu aylar Navoiy ko‘yung ichra orazing,                                     Zor bulbul aylagandek bog‘-u gulzor orzu.                                           (511-g‘azal, 11-bayt)

“Bulbul gulzorni orzu qilar”

Yuzun ko‘r, qilmag‘il mujgon-u xattu xolidin nola,                        Ki bo‘lmas xorsiz gul, dudsiz o‘t, dog‘siz lola.                                    (522-g‘azal, 1-bayt)

“Gul tikonsiz, o‘t tutunsiz, lola dog‘siz bo‘lmas”,

Orazing xoli nedin qildi meni devona,                                  Qushni sayd etmadi chun suda ko‘rungan dona.                         (525-g‘azal, 1-bayt)

“Suvda ko‘ringan donni qush ovlamas”

Ne istar chora dardi ishq uchun el,                                                Chu yo‘q bechoralig‘din o‘zga chora.                                               (529-g‘azal, 5-bayt) 

“Bechora chora istar”

Sho‘xlar mujgonidin zuhdum qutulsin, vah, necha                                 Igna birla naqb teshmak qal’ai po‘lodima.                                   (544-g‘azal, 5-bayt)

“Igna bilan quduq qazimoq”

Yaxshilar ichra vatan tutsa Navoiy, ne tong,                                Kimki yomonlar bila bo‘ldi, yomon bo‘ldilo.                                   (574-g‘azal, 7-bayt)

“Qozonga yaqin yursang qorasi yuqar, yomonga yaqin yursang, balosi”