Alisher Navoiy korpusi

"Badoye` ul-vasat" devoni g`azallaridagi baytlarda qo`llanilgan talmeh san`ati

Yoyildi Vomiq-u Farhod ishqi, yo‘q edi lek Mening ishim kibi har yon bu mojaro hargiz. (202-g‘azal 6-bayt)

Vomiq – Unsuriyning “Vomiq va Uzro” dostonidagi oshiq yigit Farhod –“Farhod va Shirin” dostonidagi Chin hukmdorining o‘g‘li, Shirinning sevgilisi

Tilarbiz shifo bir Masihonafasdin, Ki bu ko‘hna dayr ichra bemorlarbiz. (203-g‘azal 3-bayt)

Masih – Payg‘ambar Iso Masih (a.) ning laqabi. Barcha dardlarga nafasi bilan shifo bergan, o‘likni tiriltirish mo‘jizasi sohibi bo‘lgan

Ishqdin Farhod ila Majnuncha men qo‘ymoq bila Gah junun dashtig‘a gom-u gah balo tog‘ig‘a yuz. (211-g‘azal 6-bayt)

Farhod–“Farhod va Shirin” dostonidagi Chin hukmdorining o‘g‘li, Shirinning sevgilisi Shirin –“Farhod va Shirin” dostonidagi go‘zal mahbuba, Farhodning sevgilisi

Chu Layli qildi Majnun ko‘nglining sarmanzilin xilvat, Ne sud ar qo‘ymasa hay girdida oni arab hargiz (213-g‘azal, 5-bayt)

Layli –“Layli va Majnun” dostonidagi go‘zal va latofatli mahbubaning ismi. Majnunning sevikli yori Majnun –“Layli va Majnun” dostonining bosh qahramonlaridan Qaysning laqabi

Qachon ravshan ko‘ngulni nafs o‘ti dudi qilur tiyra, Nubuvvat sham’ini ne nav’ o‘churgay Bulahab hargiz. (213-g‘azal 7-bayt)

Bulahab – Abu Lahab Muhammad (s.a.v) ning amakilari

Dahr zolig‘a ko‘ngul bermaki, Rustamlarni Makr ila ayladi ojiz bu sitamgora ajuz. (215-g‘azal 5-bayt)

Rustam –afsonaviy pahlavon nomi