Alisher Navoiy korpusi

"Badoye` ul-vasat" devoni g`azallaridagi baytlarda qo`llanilgan talmeh san`ati

La’li ma’nusumdurur, o‘ltursa o‘ltursun ko‘zi, Ne g‘ami jalloddin, tutqay Masiho birla uns. (235-g‘azal, 3-bayt)

Masih – Payg‘ambar Iso Masih (a.) ning laqabi. Barcha dardlarga nafasi bilan shifo bergan, o‘likni tiriltirish mo‘jizasi sohibi bo‘lgan

Men kim-u ul xo‘blar shohi bila ulfat, magar Vahsh tutqay dasht aro Majnuni shaydo birla uns. (235-g‘azal, 4-bayt)

Majnun – “Layli va Majnun” dostonining bosh qahramonlaridan Qaysning laqabi

Tushkanim Majnun bila Farhod ayog‘iga ko‘rub, Gah tanimni nun qilib, gohe qadim dol aylamish. (243-g‘azal, 7-bayt)

Majnun –“Layli va Majnun” dostonining bosh qahramonlaridan Qaysning laqabi Farhod –“Farhod va Shirin” dostonidagi Chin hukmdorining o‘g‘li, Shirinning sevgilisi

Tushsa ilgimga iti, azbas niyoz-u mehrdin, Oni men Majnun qo‘lidin elga qutqarmoqdur ish. (247-g‘azal 5-bayt)

Majnun –“Layli va Majnun” dostonining bosh qahramonlaridan Qaysning laqabi

Qading naxliki bog‘i hayot tarfini tutmish, Magarki Xizr-u Masiho suyu havosida butmish. (250-g‘azal 1-bayt)

Xizr – diniy manbalarga ko‘ra, doimiy tirik payg‘ambar Masih – Payg‘ambar Iso Masih (a.) ning laqabi. Barcha dardlarga nafasi bilan shifo bergan, o‘likni tiriltirish mo‘jizasi sohibi bo‘lgan

Qamarning ikki yonida Suhayl-u Zuhra kibi Ko‘rundi iki qulog‘inda durr-u gavhar xush.(251-g‘azal 3-bayt)

Suhayl –yulduz nomi Zuhra –yulduz nomi